جبت ابياتي في..../الشيخ بوراس
درت قصيدة عليك ياكحلة لشفار
نكتبها وتجي ڨبالي في المرصم
خواضة مايا؟؟ الحجلة في، لوكار
وننساها ساعا ڨبالي تترسم،
ويهوض، عليا هبالي في الدوار،
يا مذا نوضت فوضى فالمجحم
طالت حربي رافد السيف البتار؟!!
واللي بيا غرامها شين، يعدم
طايح في، كماشها وانا، مسرار
خمس حروف سميتك وانا نكتم
ونقلع حرف نبدل الجنة بالنار،
مثل البوجي فالخواتم تتختم
شهلى اسم جديد ويقصف لعمار
نديبة؟!! مانيش، ڨادر، نتكلم
بصح فضحوني عيونك للتجهار،
عينك رڨطة كي الممي يتبرم
وتلوح شعاعاتها تضوي لصوار،
طاح اهدبها فوق بعضه وتعرم
و.. ريبني قرطاسها كفوا لبصار،
مزين طلة من الثنية ونحوم،
شرق البيض، شور ڨلابة لحجار،
ونحس، بويدانها، جات تزڨلم
ديمة تايه بين لشعاب ولشفار،
نديبة عقيد في الكرطي يحكم
وانا جندي، سايرة بيا لقدار،!!!
قشوة ناصع لونها ثلج، مدركم
طبعوها ذوك السوالف كي لنهار،
والفرات مع ا لدجلة تتڨسم،
ونهر، النيل وواد صڨر، والقورار،
والڨصة قمح السواڨي، متنظم
غرسوه الغنيا الفاهم، والبحاااار
خيط حرير على الكواسر، متختم
ما تقطع، ما صمصروا فيه التجار
مهرة عربية وشهبة كي، البلسم
وشرادة مارصنوها في، المشوار
ماطاعت ماسرجوها ما تنهم
ماتشبه في، نعتها جملة لمهار،
عاد تبدل في الڨبوري وتقلم
تتسارى مابين لسهاب ولوعار
و. سلبتني، وسلبتها ربي يعلم
سبحانو هو الوحيد القهاااار،
عاشقها بوراس بادي يتهيلم
وتهرشم مابين ليام ولشعار
...طاح اهدبها................
تعليقات
إرسال تعليق