كلاكيت هنصور/حليم محمود أبو العيلة
سكوت كلاكيت هنصور
والمشهد يتعاد من تاني
وأنا واقف ويا الكومبارس
والمخرج زنان وأناني
واقف متداري ومن نفسي
وف دوري الصامت حبساني
متخفي ف عرقي وإحراجي
والكاميرا أكيد نسياني
الكل بيظهر ف الكادر
وأنا بدون أجر ومجاني
واقف وأنا جوه المشهد
مظلوم وياريتني الجاني
وبحاسب على مشاريب غيري
ف رحايا الدنيا طحناني
لا أصرخ م الظلم ولا أتألم
ولا حد ف يوم طبطب ولا جاني
عجناني الدنيا وخبزاني
والقسوة خدت مني حناني
م أنا عايش جواكي يا دنيا
وف وسط الزحمة وحداني
كلماتي:
الشاعر: حليم محمود أبوالعيلة
تعليقات
إرسال تعليق